حلو لما تكوني معقدة.. لما تركبي بسيارة والسائق يفتح اغاني وتطلبي منه بأدب أنو يطفيها لأنك ما مضطرة تسمعي اغاني وترتكبي أثم طول الطريق .
حلو لما تكوني معقدة.. لمن تقعدي بمكان عم تقري وبعدها تجي مجموعة شباب يجلسوا قريب منك وانتِ تغيري مكانك فوراً الى غير مكان لأن ما مرتاحة بهذا المكان .
حلو لما تكوني معقدة.. لمن شخص بدو يحكي معك ويجر من حديث ل حديث وانتِ تقاطعيه بكلمة وحدة وتخليه يسكت وما تعطيه مجال .
حلو لما تكوني معقدة… لمن تقعدي بين زميلاتك
وهني عم يغتابوا ويتنمروا ع الناس وتطلبي منهن يغيروا الحديث بلطف أو القيام وتركهن .
حلو لما تكوني معقدة.. لمن تمشي وانتِ عيونك بلارض وما تتكلمي مع أيّ شخص ألا بالضرورة .
حلو لما تكوني معقدة… لمن يستهزئوا بشكلك وضعفك ولبسك وحجابك وطريقة كلامك وصغر هيئتك ويحاولوا يقللوا من شأنك فتجاوبيهم ببرودة أعصاب وقناعة تجعلهم يفكروا منيح بللي عم يقولوا .
حلو لما تكوني معقدة… لمن يصير وقت الاذان تروحي تصلي وما تسمعي للي بقولوا صليها بلبيت لما ترتاحي.
حلو لما تكوني معقدة… لمن يستهزؤا بظاهرة معينة بالمجتمع ومن شخصية معينة ومن كتاب معين وقول معين وما تجامليهم بهذا الفعل وتسكتي إنما تقولي الحق حتى لو الكل رح يرفض كلامك!!
حلو لما تكوني معقدة بنظر البعض ومتحررة بنظر ذاتكِ..!
(والتعقيد هذا هو الحرية )
