نواب التيار يهاجمون جعجع : “صغير وفناص وفاسد”.

رد عدد من نواب تكتل “لبنان القوي”، اضافة الى نائبة رئيس “التيار الوطني الحر” مي خريش، على تصريحات رئيس حزب القوات اللبنانية سمير جعجع في مؤتمره الصحفي اليوم.

وغرد النائب سيزار أبي خليل على حسابه عبر “تويتر” كاتباً: “مشيت بميشال عون رئيس لأنو كان واصل بلا جميلتك. اخدت حصة اكبر من حجمك وطعنتو واليوم مش سئلان عن رأي المسيحيين باختيار الرئيس. هيدا انت، بالطائف غطيت التنازل عن الصلاحيات واليوم بدك تمحي حقوقهم. من 35 سنة لليوم سميلي فكرة ايجابية قلتها او عمل ايجابي عملتو”.

بدوره كتب النائب جورج عطاالله على حسابه عبر “تويتر”: “بتاريخ 1/9/2019 كتَبْتِلّك هيدا الرد على تفنيصاتك، واليوم بعيد رقاد السيدة عم تعترف إنك إنجبرت تنتخب الرئيس عون لأن الموضوع كان خالص يعني جربت تلحق حالك وإعترفت إنك فناص “.

كذلك فقد كتبت النائبة ندى بستاني: “جعجع انزعج من زيارة الوزير باسيل لبكركي، وانفتاحو وإيجابيتو، وتسهيلو لأي مسعى بيقوم فيه البطريرك، قرر الالتفاف على أي توافق، وتطويق أي مبادرة من بكركي. هو بيرفض حضور اجتماعات عند البطريرك وبيوم انتقال السيدة العذراء، نسف أي امكانية لتفاهم مسيحي…شو بعد فيه خيانة أكبر؟!”.


أما النائب غسان عطالله فرد على جعجع كاتباً: “لما تهرب من موضوع النازحين، اكيد منك رجال، لما تهرب من التدقيق الجنائي يعني اكيد انت فاسد، لما تغض النظر عن يلي عم بيصير عالحدود والمفاوضات للحفاظ على ثروات بلادنا اكيد منك سيادي”.

وأضاف، “يلي هلقد بكون سيء وخاين لمجتمعو ووطنو اذا ما تحاسب عالارض، اكيد بحساب الآخرة”.
زاد، “جهنم هو مصيرو”.


من جهتها غردت نائبة رئيس “التيار الوطني الحر” للشؤون السياسية مي خريش على حسابها عبر “تويتر” كاتبة: “جعجع ولا مرة كان يهمو احترام خيارات المسيحيين برئاسة الجمهورية. بالماضي باع الصلاحيات كرمال يخلص من العماد عون واليوم عم يبيع التمثيل كرمال يخلص من التيار. بياع حقوق الناس وكرامة الشعب مقابل المال السياسي وبعدو عم بيتاجر بذكرى الشهدا متل ما سمسر بحياتهم”.

مقالات ذات صله