“الظاهر هلق رجع لأصلو… عميل اسرائيلي…”
المحامية بشرى الخليل تعليقا على كلام #المشنوق:
(مرحبا يامحمد كيفك .. .. انت متأكد ان حساب المشنوق مش مقرصن ؟!!.. انا رأيي تنتظروا لتتأكدوا لأن كلامه ابدا مش موزون ..إلا اذا بلش يضيّع .. .. ومش قصدي طبعا مضيع البوصلة .. لأن البوصلة كتار مضيعينها هالأيام وصايرين مبهورين ان اميركا واسرائيل رجعوا يهتموا فيهم لأنو بدهم ياهم يرجعوا يحرتقولهم على حز& ب الله .. .. والفرحة مش سايعتهم ان اميركا رجعت تتبربش فيهم فبتلاقيهم عم ينطّوا من الفرح .. وشي بيبعت زلمو يشالقوا بالحجارة على زقاق البلاط والخندق عشان يهجموا عليهم اهل الخندق ويطعموهم قتلة يروحوا بياخدوا ثمنها من سفيرة اميركا الجديدة اللي مصدقة حالها إنها المندوب السامي .. وشي بيركّب فيديو ان الشيعة سبّوا السيدة عائشة كمان لتكبر ضحكة السفيرة السامية وتكبر معها الدفعة الخضرا .. .. فالمشنوق مضيع توازنه الهيأة هالأيام لأن البوصلة السياسية مضيعها من زمان .. من لما اكتشفت المخابرات السورية علاقتو بالمخابرات الإسرائيلية ايام حكومة الرئيس رفيق الحريري اللي تدخل يومها مع السوريين وطلب منهم طي الملف كرمالو عشان سمعتو لأن المشنوق مسؤول اعلامي عندو .. وهيك صار وضبوا السوريين الملف .. .. فالظاهر هلق رجع لأصلو اي عميل اسرائيلي وتبنّى تنفيذ الأجندة طالما السفيرة هلق محمسة وعم توزع ابتسامات الرضا وبطبطب على أكتافهم .. وهو واللي متلوا بطيروا فرحة برضا طويلة العمر اللي هيأتها شربانة حليب سباع ومصدقة حالها .. .. .. اما عن اللي قالوا ، على تقدير إنو صادر عنو أو عن القرصان منقول : اولا: بيروت هي عاصمة كل لبنان وكل اللبنانيين .. واذا هو او القرصان مش عاجبو تكون بيروت عاصمة لبنان فيهم يطلبوا نقل العاصمة الى طرابلس او صور او صيدا او جبيل وكلها مدن لبنانية حضارية وضاربة في اعماق التاريخ وكل واحدة منها مؤهلة تكون عاصممة البحر المتوسط كله مش بس لبنان .. .. ثانيا: مش هو الناطق بإسم بيروت .. بيروت إلها اهلها وعائلاتها التاريخية اللي حافظت على سمعتها وتاريخها وإلتزامها بالخط القومي العربي .. خط عبد الناصر مش الخط الصهيو – اميركي .. ثالثا : خليه يحددلنا من هم اهل بيروت وسكان بيروت وملّاكي بيروت اذا كان بيملك الجرأة والشجاعة للإعتراف بالأرقام الحقيقية ….رابعا: وبخصوص السيدة عائشة وهي أم المؤمنين زوجة النبي محمد صلى الله عليه وسلم جدي وجد عشرات آلاف السادة الأشراف في لبنان وهم للعلم سنّة ومسيحيون وعشرات الآلاف من الشيعة .. وفضلا عن هذا الموقع الشريف الذي يعطيها حصانة لايمكن لأحد القفز فوقها .. فهي ابنة ابي بكر الصديق ثالث من آمن بالنبي محمد بعد السيدة خديجة والإمام علي .. وهو من شاركه تلك الرحلة البالغة الخطورة ليلة الخروج من مكة بعد المؤامرة على قتله .. وهو ثاني اثنين اذ هما في الغار .. وهو الذي ترك دياره وعياله وماله وكل متاع الدنيا ليبقى الى جانب الرسول في اصعب الظروف وظل معه لايفارقه حتى حقق الله للمسلمين الفتح المبين .. وابو بكر هو من اكبر بيوتات مكة وابوه ابو قحافة من ساداتها ووجهائها .. فعن اي حقد يتكلم المشنوق وعن اي 1400 عام .. ليش مابيحكي عن مين اللي قتل عبد الرحمان ابن ابي بكر وجرحها بقلبها للسيدة عائشة .. ومين اللي قتل محمد ابن ابي بكر اللي كان والي الإمام علي على مصر .. ومين اللي قتل عبدالله ابن الزبير حفيد ابي بكر من ابنته اسماء وعلّقه مصلوبا على باب المدينة حتى أكل لحمه الطير وعندما مرت أمه أسماء قالت تلك الجملة الشهيرة التي تجرح وجداننا جميعا: “أما آن لهذا الفارس ان يترجل.. .. ومين اللي قتل شقيق عبدالله مصعب ابن الزبير زوج السيدة سكينة .. أقصد من أفنى ذرية ابو بكر الصديق ولم يترك أحدا من نسله !!!! .. هل تريد ان تنبش بعد بالتاريخ من 1400 سنة يامشنوق .. استحي وسكّر الملفات لأن ما إلك مصلحة .. وليس الشيعة هم من يمكن ان يتناولوا زوجات النبي وأصحابه واهل بيته بسوء وهم الذين أفنوا سنينهم في الدفاع عن كل مايمت لرسول الله بصلة .. واذهب لتبحث عن قتلة أصحاب النبي والحاقدين عليهم في مكان آخر .. .. عيب اللي عم تقولو .. عالقليلة إعمل كرامة للحاج وفيق صفا اللي نجّحك بالإنتخابات بعد ماكانوا أهل بيروت رافضين ينتخبوك .. ومنطمنك ومنطمن كل رفقاتك بالنادي ان سفيرتكم مش مطولة بلبنان ورح تضطر دولتها تس حبها وتقاصصها على تجاوزاتها اللي ماعادت تنحمل ….)
#بشرى_الخليل
#
