28 تشرين الثاني ولادة السيد عرفنا إنو في لغط بالنسبة ليوم ولادة سماحة السيد حسن نصر الله سألنا أعلم الناس فيها السيد عبد الكريم نصرالله والد سماحة السيد
وكان الجواب التالي : السلام عليكم ورحمة الله وبركاته . من فترة عرفت انو جمهور المقاومة عم يحتفلو بميلاد السيد حسن والحقيقة انو التاريخ المكتوب عالهوية مختلف عن التاريخ الحقيقي ، وكان ببالي تصحيح المعلومة بس ما صادفت انو حدن سألني وما لقيت مناسبة لهالموضوع قبل بمرة . و بس اليوم بدي اكدلكم انو ولادته ” الله يحفظو كانت بموسم الشتاء وبتاريخ ۲۸ / II / ۱۹٥۹ وبتذكر لما حصلت الولادة كتبتها على جلدة المصحف وكنت اقرا فيه على نية انو هيدا المصحف للسيد حسن اما ليش سجلناه بتاريخ ۱۹٦۰ / ۸ / ۳۱ فالسبب انو نحن كنا باشغالنا ببيروت وما كنا نطلع عالجنوب كثير فكنا نبعت لوالدي انو خلقلنا ولد وسميناه حسن وبدنا نسجلو هلق طبيعي الوالد تأخر لجاب ورقة مختار ولنزل عصور ولقدر طلعلو أوراق وهيك صارت بشكل عفوي ووقتها نحن ما علقنا ومشينا بالتاريخ اللي تسجل بالدولة
