الدولة ……الشعب ..
من واجب الدولة ان تقدم الخدمات كافة لمواطنيها …
طرقات جيدة …مساحات خضراء… صرف صحي ..مجاري مياه …تنظيف الانهر..
مياه الشرب …الكهرباء …طبابة …وكل ما يلزم لخدمة المواطنين …
اما نحن المواطنون فيترتب علينا واجبات ايضا..
يعني ما في اسرق كهربا ونق وصرخ ان المحول الموجود بالحي انفجر …
ما في نق على مياه الشرب وانا ( ناتع شفاط مي ٢انش )
ما في ( سبسب وصرخ وعيط ) ان مجاري مياه الشتاء مسدودة وانا (ما مخلي شي مش كابو بالطريق ) على سبيل المثال حفاضات تنك ببسي وميرندا محارم زبالة ورق كراتين نص ساندوش مقانق ربع منقوشة شقفة بيتزا دخان …كل قرفنا منكبكبو من الشبابيك …ومنرجع منقول طافة الدنيا باول شتوي ..
للاسف نحن كلنا واعني بكلنا اغلبنا لا يوجد لدينا ضوابط ولا اي امر اخر …
وبالاخر منق ومنعق وما بعرف شو كمان ..
نداء لكل منا …لو حافظنا على اخلاقياتنا الدينية لاي طائفة انتمينا ولاي دين او مذهب …لكنا حافظنا على استقامة الامور ..
نعم الدولة قاصرة ومقصرة وبالمقابل المواطن مقصر ومستلشق وكابب ورا ضهروا كل شي …
اذا المسؤولية مشتركة ..
ولكن ….اصلا نحن مش عايشين بدولة ولا مزرعة ..
نحن عايشين كل من ايدو الو ..
وعلى هل حال مطولة القصة كتير …
فخلونا نحن نق وهني يسرقوا …
والسلام ختام …
بقلم الشيخ ع. ح.
