الجواب هو انو في فضيحة لشركة أميركية ويلي صارت سنة 2018 بأميركا. فضيحة من العيار التقيل وهي اكتشاف شرائح تجسس صغيرة جدًّا مزروعة داخل لوحات motherboards من شركة اسمها Supermicro بتصنع مكونات إلكترونية لكبرى الشركات مثل Amazon ،Apple، ووزارة الدفاع الأميركية!!!
يلي صار هو انو تحقيق نشرتو وكالة Bloomberg Businessweek عن إنو الاستخبارات الصينية زرعت شريحة إلكترونية (قد حبّة رز يمكن) على لوحات ال motherboards، كانت عم تُستخدم بخوادم سيرفرات لشركات كبرى، هيدي الشرائح كانت بتسمح تعمل هالشغلات: إنشاء Backdoor للجهاز، التحكم فيه عن بُعد وتمرير أو تغيير البيانات.
وباختصار، يعني مراقبة كل شي عم بصير من خلاله، والاهم – وهيدا موضوعنا – من دون ما يكون الجهاز أصلاً موصول بالإنترنت!!!
أكيد رح تسألوا كيف صار هالشي؟
الجواب هوي انو الأجهزة الموصولة بالشبكات بتتبادل معلومات مع بعضها، والشريحة فيك تبرمجها لتبعت وتستقبل إشارات معيّنة ضمن هيدا “التدخّل الخفي” اذا صح التعبير، يعني انو ما بينكشف بسهولة!
والخطير بالموضوع هوي إنو حتى لما ما يكون الجهاز أونلاين، الشرائح المزروعة ممكن تحتفظ ببيانات، لتقدر تنقلها لاحقا لما الجهاز يتصل بالشبكة، أو حتى تتفاعل مع إشارات لاسلكية تانية قريبة!!
ليش عم قول هيدا الكلام؟ لأن نفس الخدعة ممكن تنعمل بكاميرات المراقبة! بDVR! براوتر! أو حتى كابل USB! ويلي ممكن يكون مفكر انو هيدا الحكي من فيلم خيالي بقلو للأسف هيدا يلي صار وعملوا بحث هالانترنت وشوفو بعينكن!
الفكرة يلي لازم نعتبر منها هي انو إذا الصين قدرت تعمل هيك بأميركا، فتخيّل شو ممكن تعمل أجهزة من صنع او من تشغيل او توريد او من بيع او من تركيب إzraeل واستخباراتها وعملائها، يلي أكيد الكل صار بيعرف حجم وقوة ترسانتها التكنولوجية وخاصة التجسسية منها وما نستخف فيها! يعني مثلا مش ممكن يكونوا قادرين يبدلوا الكاميرا يلي نحن منكون حاطينا او شاريينا بكاميرا مثلها ونسخة عنها بس لاعبين ومغيرين فيها؟ 🙂
بكلام آخر، اي جهاز ممكن يكون خطر من لحظة تصنيعه، وممكن يكون خطر بعد تركيبه (خاصة اذا بمكان عام وسهل الوصول له) وممكن يكون خطر قبل ما نحط فيه كابل انترنت من اساسه!
طولت عليكن، بس حبيت احكي عن الموضوع ل%ن كَثُر الحديث بالفنرة الاخيرة انو الكاميرات مش ممكن تنخرق اذا ما كانت متصلة بالانترنت! نحن هون عم نحط احتمال واحد بالمية % ! خاصة بعد يلي خبرتكن ياه. فلازم نكون منتبهين وواعيين لخطورة الموضوع!
شاركوا المنشور وساهموا معنا بنشر التوعية الرقمية المجتمعية 🩵
منقول : Jamal Meselmani
#فكّر_صح #أوعى #تكنولوجيا #الأمن_السيبراني #التوعية_الرقمية #أمن_المعلومات #تجسس #كاميرات
